ОБЪЕДИНЕННЫЙ ХОР СВЯТО-ТРОИЦКОЙ СЕРГИЕВОЙ ЛАВРЫ И МОСКОВСКИХ ДУХОВНЫХ АКАДЕМИИ И СЕМИНАРИИ под управлением АРХИМАНДРИТА МАТФЕЯ (МОРМЫЛЯ) - Ангельский Собор- П. Г. Чесноков | Текст песни

• Тексты песен
• ОБЪЕДИНЕННЫЙ ХОР СВЯТО-ТРОИЦКОЙ СЕРГИЕВОЙ ЛАВРЫ И МОСКОВСКИХ ДУХОВНЫХ АКАДЕМИИ И СЕМИНАРИИ под управлением АРХИМАНДРИТА МАТФЕЯ (МОРМЫЛЯ)
• Ангельский Собор- П. Г. Чесноков

Благословен еси, Господи, научи мя оправданием Твоим.

Ангельский собор удивися, зря Тебе в мертвых вменившася, смертную же, Спасе, крепость разоривша, и с собою Адама воздвигша, и от ада вся свободша.

Благословен еси, Господи, научи мя оправданием Твоим.

Почто мира с милостивными слезами, о, ученицы, растворяете; блистаяйся во гробе Ангел мироносицам вещаше: видите вы гроб и уразумейте, Спас бо воскресе от гроба.

Благословен еси, Господи, научи мя оправданием Твоим.

Зело рано мироносицы течаху ко гробу Твоему рыдающыя, но предста к ним Ангел и рече: рыдания время преста, не плачите, воскресение же апостолом рцыте.

Благословен еси, Господи, научи мя оправданием Твоим.

Мироносицы жены с миры пришедшия ко гробу Твоему, Спасе, рыдаху, Ангел же к ним рече, глаголя: что с мертвыми живаго помышляете? Яко Бог бо, воскресе от гроба.

Слава…

Поклонимся Отцу и Его Сынови и Святому Духу, Святей Троице во едином существе с Серафимы зовуще: Свят, Свят, Свят еси Господи.

И ныне…:

Жизнодавца рождши греха, Дево, Адама избавила еси, Радость же Еве в печали место подала еси. Падшия же от жизни к сей направи, из Тебе воплотивыйся Бог и Человек.

ОБЪЕДИНЕННЫЙ ХОР СВЯТО-ТРОИЦКОЙ СЕРГИЕВОЙ ЛАВРЫ И МОСКОВСКИХ ДУХОВНЫХ АКАДЕМИИ И СЕМИНАРИИ под управлением АРХИМАНДРИТА МАТФЕЯ (МОРМЫЛЯ) еще тексты