Овация - Туктатыгыз сугышларны (минус) | Текст песни

• Тексты песен
• Овация
• Туктатыгыз сугышларны (минус)

Туктатыгыз сугышларны!
Гөл Мирһади сүзләре Э.Хаматнурова көе

1.Солдатларның аналары,
Солдатларның аталары,-
Үстермәдек сугыш өчен балаларны.
Ут эченә керәм,диеп.
Мин үтерәм,кырам,диеп,
Язмышларын әллә алар сайлаганмы?

Кушымта:

Туктатыгыз атышларны,
Аналарның сагышларын,
Ишетегез җир шарының
Аһ- зарларын!
Күр син дөнья афәтләрен,
Кешеләрнең нәфрәтләрен,
Төзәтелмәс,кан саркыган
Яраларын!

2.Автоматлар кулларында,
Сугыш кына уйларында.
Дошман булыр туганына
Икеләнми.

Кабызып ут- нәфрәт кенә,
Яп-яшь кенә егетләрне
Керетеп сугыш дәһшәтенә
Ил көчләнми!
Кушымта:

3.Күзләремне йокы алмый,
Таңнарымда керфек какмый
Көтеп алам газапланып
Көннәремне.
Кайда үлем,кайда сугыш,
Өзелгән җыр,зарлы язмыш,-
Очсыз уйлар,ачы сагыш
Иңнәремдә.
Кушымта:

4.Кемгә кирәк? Кемгә файда?
Ил язмышын кемнәр сайлап
Ача җирдә сугыш уты
Бертуктамый!?
Өзеп җавапсыз уйларын,
Саклап бердәнбер улкаен.
Ана таңда дога укый
Керфек какмый…

Кушымта:

Овация еще тексты