Оксана Дмитриева - Мэхэббэтем иден син минем (Людмила Аланлы сузлэре, О.Дмитриева кое) | Текст песни

• Тексты песен
• Оксана Дмитриева
• Мэхэббэтем иден син минем (Людмила Аланлы сузлэре, О.Дмитриева кое)

Мәхәббәтем идең син минем

Людмила Аланлы сүзләре, Оксана Дмитриева көе

Күңел тулы чиксез бәхет иде,
Татлы өмет, бетмәс хыяллар.
Акланмады, чынга ашмадылар –
Калды бары күксел томаннар…

Киттең, бәгырем… Кычкырасым килде:
Туктачы, дип, зинһар, сабыр ит,
Калдырма син сагыш кочагында,
Ялгыз калу бигрәк авыр бит!..

Кушымта:
Бер ялгышлык мең ялгышлык кебек
Үзгәртте дә куйды язмышны.
Юлларыбыз безнең аерылды –
Һич төзәтеп булмый ялгышны.

Чуалдылар уйлар, теләкләрем,
Яраланды шулчак күңелем.
Йөрәк түрләреннән өзелеп төшкән
Мәхәббәтем идең син минем…

Кушымта:
Бер ялгышлык мең ялгышлык кебек
Үзгәртте дә куйды язмышны.
Юлларыбыз безнең аерылды –
Һич төзәтеп булмый ялгышны.


Оксана Дмитриева еще тексты