Олёш - Тундонь вирнесэ мон килей ведте симинь | Текст песни

• Тексты песен
• Олёш
• Тундонь вирнесэ мон килей ведте симинь

Тундонь вирнесэ мон килей ведте симинь.
Морыця тейтерькине монь сельмезэнь вансь
Уликсчим эзь ванстовт, ёмась, мезе вечкинь.
Апелиця ульнинь ды эзинь сода чансть.

Сёксень лопинекс монь яла вармась кандтнесь.
Мон полавтнинь оштнэнь, леменьгак лиятальть.
Васоло китнева пульденть ламо нильнезь,
Косо ков а палы, цецянь чине арась.

Иневедьс вырновтнинь цигаркапетнень мон,
Усиянь, ведьпаксянь мазычинтькак сюдынь
Ды Бразилиясо чеядавксонь сувонть,
Ды кабаконь винанть, лагерень тошначинть.

Эх, кода эрямонть ушодовлия одс!
Эх, ливтявлинь морыця тейтерькинем ваксс!
Ды содасы-арась ней чачома ёнксось
Эсензэ цёракаенть, коната ёмась?

Тундонь вирнесэ мон килей ведте симинь.
Морыця тейтерька чевтьстэ сельмезэнь вансь.
Уликсчим эзь ванстовт, ёмась, мезе вечкинь.
Апелиця ульнинь ды эзинь сода чансть.

(Эрзянь кельс ютавтызе Татьяна МОКШАНОВА)


Олёш еще тексты