Ольга Жигмитова ба Арюна Мункуева - Басагандаа / buryad.fm | Текст песни

• Тексты песен
• Ольга Жигмитова ба Арюна Мункуева
• Басагандаа / buryad.fm

БАСАГАНДАА
Хүгжэмынь Саран-Туя Жалцановагай, үгэнь Цырен-Ханда Дарибазаровагай

Эхэ:
Эрьенсэг түби дэлхэйдэ
Эхын жаргал юунhээш сэнтэй.
Бурханhаа үгтэhэн бэлэгни,
Басагамни, хөөрхэн үримни.
Сэлмэг нюдөөрөө харахадаш,
сэсэгүүд hалбарнал сэдьхэлдэм.

Басаган:
Үдэр hүни илгаагүй,
Үргэн, тэнжээн энхэрээт.
Урин гоёор миhэлзээд,
Улан нарандал жэгнээт.
Эжымни, алтамни,
Эгээл сэнтэйхэн хүмни!

Эхэ:
Дангинам, хэзээш түшэгтэйш,
Дүнгэн хүтэлхэ ахатайш.
Анханhаа үндэр заяатайш,
Арюухан харгытай ябаарай
Алтан хараасгай шубуундал
Аласхан холые дабаарай.

Басаган:
Эжым хэнhээш сэбэрхэн,
Эльгэ зүрхөөр дулаахан.
Һара мэтэ шарайтай,
Һайхан арюун cэдьхэлтэй.
Эжымни, нарамни,
Эгээл дуратай хүмни!

Эхэ:
Жэлэй дүрбэн сагта басагамни,
Жэргэн, дуулан, золтой хододоол ябаарай.

Басаган:
Эжым, үндэр наhа наhалаарай,
Энхэрэл дүүрэн ашыетнай харюулhайб.

Хоюулан:
Энэ дэлхэйн нарамни, алтамни,
Эгээл дуратай, сэнтэйхэн хүмни!


Ольга Жигмитова ба Арюна Мункуева еще тексты