Омар Отаров feat. Руслан Чотчаев - Айджаякъ | Текст песни

• Тексты песен
• Омар Отаров feat. Руслан Чотчаев
• Айджаякъ

Музыка и стихи Касбота Кочкарова (Багъыр улу) (1834-1940).

Айджаякъ, ала джаулугьунг
Ариу джарашады бойнунга.
Мен а сукъланама, ёлеме
Мамукъдан джумушакъ къойнунга.

Ой, джылкъы анасы - акъ байтал,
Ол а къарышкъулакъ тай табар.
Мен сени анангы уста таныйма,
Ол а къалгьан къатынладан файгъамбар.

Ой, джылкъылада хора тай,
Салчы аягьынгы тузакъгьа.
Манга эки къанат а битгеед,
Айджаякъны алыб кетерге узакъгьа.

Ойра, тузакъ, дейле, къоймайла,
Къанджыгъамда джибек аркъаннга.
Сора хора дейле, къоймайла
Кесим миниучю тарпаннга.

Ой, тарпан тайла ойнайла,
Ала ойнагьандан тоймайла.
Сени ананг манга сормай берлигед,
Къалгьан сюймегенле къоймайла.

Ой, тулгьа барлыкъ сен болсанг,
Санга менден игини ким табар?
Иги тулгьа бармай къалгъан а къатын,
Артда бушуу этиб, джер къабар.

Ой, джылкъы анасы - акъ байтал,
Ол а сакъат болду, ырахын.
Ойра, мен сюйгенлей сюймесенг,
Сени болсун мени гюнахым.

Ой, Багьыр улу къурурукъ,
Къаллай хоралагъа минеди,
Къара кёрпе тонла киеди,
Эрсиз къатынланы сюеди.

Кел, биз Тебердиге барайыкъ,
Джашарбыз, къанджалбаш юй салыб.
Башыбызгьа уллу кюн салыб,
Эшиклеге къаты чюй салыб.

Багьыр улу Къасбот деген - кюл аякъ.
Тапхада болур, джаным, чын аякъ.
Тапхадан тюшюб, аякъ ууалсын,
Шахар Тебердини суу алсын.

Ойра, тауда отлагъан кийикле,
Ала джукъламайла, сойланмай.
Мен сени алай алыб къоялмам,
Иги сагьыш этиб, ойламай.

Туура болумунгу мен айтсам,
Айджаягъым, ариу акъ джаулукъ,
Къалмагьанды энди сени юсюнгде
Керти алгъын кибик махтаулукъ.

Омар Отаров feat. Руслан Чотчаев еще тексты