Омар Отаров - Байсолтанланы Алим | Текст песни

• Тексты песен
• Омар Отаров
• Байсолтанланы Алим

Сабийлигингден сен бийиклени
сюйюп ёсгененг таулада,
сен къыралынгы къушу болгъаненг,
уча эдинг булутлада.

Алим, «ёлюрме» деп къоркъа билмей,
бир батыр лётчик болгъаненг,
къыралыбызгъа душманны иймей,
къурч къала кибик, тургъаненг.

Совет лётчикле, тау къушла кибик,
кёк бийигинде учханда,
душман лётчикле къача эдиле,
Алим ызларындан къуугъанда.

Ара шахарыбыз Москваны,
кеси юйюнгча, сакъладынг,
аны ючюн уруш этген заманда
сен «ёлюрме» деп къоркъмадынг.

Жигитлигинг, батырлыгъынг, Алим,
битеу къыралгъа айтылгъан,
Балтий тенгизи сени жутса да,
атынг халкъынг бла къалгъан.

Къыралыбызны душмандан сакълай,
бергенсе батыр жанынгы,
жырларыбызда жашарса, Алим,
унутмазбыз биз атынгы!