Омар Отаров - Бекболатны джыры | Текст песни

• Тексты песен
• Омар Отаров
• Бекболатны джыры

Муз. и сл. народные.

Алай бек битгенди Холам агъачны, ой, кёгёти,
Бий Омар болгъанды джаш келинлени, ой, ёлети,
Алай къул джигити къаты болады, ой, бек болад,
Ой, аллай джигит а ол Махийланы, ой, Бекболат.

- Ой, Акъ къаяда да мен токълуланы, ой, кютеем,
Ой, Акъ къаяда да мен кёб джугъутур, ой, кёргенем,
Ой, санга сормай а атаргъа болмай, ой, келгенме.
Кел, Омар, бюгюн биз ол Акъ къаягъа, ой, барайыкъ.

Ала азыкъларын а, ой, къолларына, ой, алдыла,
Алайдан ёрлеб ол Акъ къаягъа, ой, бардыла,
Омар бийден Бекболат кийиклени, ой, джашырды,
Артындан тюртюб ол Акъ къаядан, ой, ашырды.

Ой, Акъ къаяда ол артиш чырпыла, ой, кёб болур,
Холам джарлысы да ол бий Омардан, ой, бир солур,
Ой, Бекболат эди ол кийиклеге, ой, къараучу.
Бий Омар да болгьанды джаш келинлени, ой, мараучу.

Уугъа чыкъгъаненг ол кийиклеге, ой, буулагъа,
Эркин этмей эди ол джерден чыкъгъан, ой, суулагъа,
Ой, энди Омар а ол кийиклеге, ой, къарамаз,
Джаш келинлени да ал кечелерин, ой, марамаз.

Ой, Акъ къаяды да джугъутурлу, ой, текели,
Къаяда къалгъанды ол Омар бийни, ой, кекели.