Омар Отаров - Джашны джыры | Текст песни

• Тексты песен
• Омар Отаров
• Джашны джыры

муз. и сл. народные

Таула башлары къаралыб келеди,
Ол джауунмуду, къармыды?
Джерни юсюнде джанла да, къызчыкъ,
Сенден ариучукъ бармыды?

Юйюмю аллында битгенди, къызчыкъ,
Бир ариу алма терекчик.
Ох, ариу къызчыкъ, ким кёрлюк болур
Сенича ариу мёлекчик?

Бир бек сюйгенме, ёлюб къалама,
Джанынга къурман болайым.
Алтын къанатлы чыпчыкъ мен болуб,
Кёкюрегинге къонайым.

Кёкюрегинге мен къонсам, къызчыкъ,
Не келир сени эсинге?
Кесинг джангызлай тюбесем эди,
Сёлешир эдим кесинге.

Эшикни къаты бегитчи, къызчыкъ,
Чыракъны джарыкъ джандырчы,
Танг атхынчыннга ушакъ этейик,
Сюйген джюрекле къаннгынчы.

Ой, сен кийиучю джыйрыкъларынгдан
Бизни къызла да киерле,
Ой, сен алагъа келин болсанг а,
Джанларындан сюерле.

Алтын къанатлы чыпчыкъ мен болуб,
Терек башыгъызгъа къоннгуем.
Аяулу къызчыкъ, асыулу къызчыкъ,
Ананга киеу болгъаем.

Юйюмю аллында уллу суу барды,
Сюзюлюб барад тенгизге.
Мындан кёб мени джалындырмайын,
Келиб къалсанг а бизни юйге.

Юйюмю аллында уллу суу барад,
Ашыгъыб барад тенгизге.
Сени бла къалай барлыкъ болурма
Мен, уялмайын, сизни юйге?