Омар Отаров - Кёзлеринг кёзюрле ойнай | Текст песни

• Тексты песен
• Омар Отаров
• Кёзлеринг кёзюрле ойнай

Муз. и сл. народные.

Кёзлеринг кёзюрле ойнай,
Сёзлеринг джюрекни байлай,
Джюрегиме ауруу бергенсе.
Келиб къатымда олтуруб,
Джюрегими да толтуруб,
Кёб ахтыннганымы уа кёргенсе.

Керти да сюеме деученг,
Сюймеклик салам бериученг,
Ол адамла сени бузгъунчу.
Башынг а акъылдан толсун,
Джюрегинг таукел а болсун,
Кетейик, ишибиз озгъунчу.

Юйюнгю аллындан къараб,
Мени да узакъдан таныб,
Келиб къолуму тутуучу.
Къара кёзлериме къараб,
Сёлешген сёзюмден таныб,
Чайнамай, ичине джутуучу.

Энди къатыма да келмейд,
Саламла джазыб да иймейд,
Бир кенги айланыб кетеди.
Келиб, къатымда олтуруб,
Джюрегими да толтуруб,
Бир аман ачыула этеди.

Сени ючюн ауруу табыб,
Ауруб больницагъа барыб,
Джюрек ауруулу болгъанма.
Адамла кёрмегенликге,
Кёзлерим кюлмегенликге,
Керти тели болуб а къалгъанма.

Кёкледе учхан кёгюрчюн,
Саламла айтсын мени ючюн,
Ол узакъ тауладан келеди
Гюнахымы сен аласа,
Кёзюусюз джара саласа,
Мен да санга таралыб, ёлюб.

Ол кюн айтхан сёзлеринги,
Къарадугъум кёзлеринги
Кишиге сормай билиучем.
Сен айланнган джерледе,
Мен сени кёрген кюнледе
Чыгъарыб, джанымы бериучем.

Къолунгдагъы къобузунгу,
Къолларынгы, къол ызынгы
Кишиге да сормай билиучем.
Сен айланнган джерледе,
Мен сени кёрген кюнледе
Чыгъарыб, джанымы бериучем.

Омар Отаров еще тексты