Омар Отаров - Къубадийланы джыры | Текст песни и Перевод на русский

• Тексты песен
• Омар Отаров
• Къубадийланы джыры

Муз. и сл. народные.

Ахгон ари алатон къаратоннга улан туумайд, къыз туумайд.
Болса да, алатон къаратоннга туугъанед Къубадий джангыз ол.

Къубадийге уа бир улан туумайд, къыз туумайд, ой,
Эте эдиле, къартлыкъ тонунг деб, ала тон.

Къубадий къалды тогьуз къатындан къаратон, - дейди, ой-ой.
Ашхы джууукъла джыйыла, къуюла келе элле.

Ашхы джууукълары джыйыла, къуюла келе элле, ой-ой.
Анда, джаным, сыйлы ичгиле иче элле.

Къубадий да бир ышармайды, кюлмейди, ой-ой.
- Къубадий, сен а нек ышармайсан а, кюлмейсе? - делле.

- Ай, аланла, ким къызына, ким джашына кюледи, - деди, ой-ой.
- Да мен сора неме къараб къууанайым, кюлейим? - деди.

Анда, джаным, Къубадийге: "Кимни алайыкъ?" - дедиле, дейди, ой-ой.
Анда, къуртхаланы джыйыб, былай сордула, дейди.

Къуртхаланы тамадалары Ашдырхан алай айтыб сёлешди, дейди, ой- ой:
- Ай, уланла, муну сиз бизге сора эсегиз, - деди, -

Анда барды Бийкъанлада эки эгеч, дейди, ой-ой.
Аладан бирлерин Къубадийге алыгъыз, - деди.

Тамадаларыны аты болур Мёлеуше, - деди. -
Кичилерини аты болур Джансарай, деди.

Мёлеушени тили аман, къолу ашхы,- дейди, ой-ой.
Джансарайны къолу аман, тили - ашхы, дейди.

Анда, джаным, тили аманны кюню аман, делле, ой-ой.
Тили ахшыны болур, джаным, кюню ашхы, - делле.

Ашхы кёрдюле Джансарайны, Къубадийге алдыла, - дейди, ой-ой.
Джансарайдан туугъан эди Къубадийге тогъуз ул, -дейди.

Тогъузусу тогъуз киши болдула быланы, ой-ой.
Тогъузусу бирер кёк шаулухха минелле, - дейди.

Джаш келин отоулагъа сормай была кирелле, - дейди, ой-ой.
Джайылдыла, къолларына Къуран алыб, ант этдиле.

Табхан ана бла эгечден сора, бир аманлыкъдан тыйылмазгъа, - дедиле, дейди, ой-ой.
Бир аманлыкъдан да тыйылмайын, была бардыла, - дейди.

Аналарыны эгечи - Мёлеушеге была джетдиле.
Мёлеуше ла быланы ма былай айтыб къаргъады, дейди:

- Сиз аманла, тели ауруудан къутуруб, къара агъачха кетигиз, - деди, ой, -
Сизни ёлсюн къара агъачда экигиз, къайтсын бери джетигиз, - деди.

- Джер джарылды, джексиз джерден джек чыкъды, - дейди, ой-ой,
Биз хариблеге бу аман ауруу нек джукъду? - дейди. -

Этген аманлыкъларыбызны тоба бла къоярек, - делле, ой-ой. -
Биз бу ауруудан къырылмай, саулай къутулсакъ, - делле, -

Къурманлыкъгъа къуба ёгюзле соярек, - делле, ой-ой, -
Джаш келин отоулагъа кириучюбюзню кьоярек, - делле.

Къубадийни къатыныны аты - Сарайды, дейди, ой-ой.
Бийкъанлада тогъуз саусузгъа къарайды, дейди,

Аны юсюне да тогъуз джамычылыкъ тарайды, дейди.
Орамны ёрге бу джаш келинле келдиле.

Келе келиб, кенгеш, ушакъла этдиле, -деди, ой.
- Бу аманла къорасынла, - деб, джийиргениб, артха айланыб кетдиле, - дейди...

Тамадалары Иналукъ аны къараб кёргенде, - дейди, ой-ой:
- Кичи къарнашым мени, терен къач, - деди, -

Орамны ёрге бу джаш келинле келдиле, - деди, ой-ой. -
Бизни кёрюб, джийиргениб, артха айланыб кетдиле, деди.

Сен айланнган джерде адам кирмеген джер кёрдюнгмю? - деди,
- Мен айланнган джерде - анда Акъ сууланы башы къызыл дорбунла, - деди.

Тебрелле была, дорбунлагъа бардыла, - деди, ой-ой,
Анда кичилери Элкъач ёлтюргенед саулукъ бир марал, дейди.

Саулукъ маралны сютюн суулукъгъа саудула, - дейди, ой-ой.
Суулукъ толу сютню, элтиб, дорбуннга салдыла, - дейди.

Джерден чыкъды къызыл джылан. Келиб, суулукъда сютню ичгенди, - дейди, ой-ой.
Къайтыб, тешигине сыйынмай, биягъы суулукъгъа къусханды, - дейди.

Тамадалары Иналукъ, аны къараб кёргенде, дейди, ой-ой:
- Туругъуз, уланла, къысха ёлюр кибик от табханма, - деди.

Бирден къобдула, суулукъда сютню, къашыкъ юлюш этиб, ичдиле, - дейди, ой-ой.
Мында ёлдю экиси, бурун кибик, сау болдула мындан джетиси, - дейди.

Дюгер Бадинаты, Малкъар Басияты джыйылдыла Голлугъа, - дейди, ой-ой.
Къубадийлагъа да тюб оноула этелле, - дейди.

- Бу биченлик мени, бу сабан сени, - дей элле, - дейди, ой-ой.
Да джыйылдыла да, тюб оноула этдиле, деди....