Омар Отаров - Нартланы джыры | Текст песни

• Тексты песен
• Омар Отаров
• Нартланы джыры

Муз. и сл. народные.

Схуртук элден чыгъыб барабыз,
Ойра, орира, ой.
Нарт Ёрюзмек а - аллыбыздады,
Ойра, орира, ой.

Аны джюреги - къаныбыздады,
Ойра, орира, ой.
Аны ёхтемлиги - барыбыздады,
Ойра, орира, ой.

Къарлы таулагъа биз терк джетербиз,
Ойра, орира, ой.
Доммайла къырыб, биз келтирликбиз,
Ойра, орира, ой.

Уллу Къобандан биз терк ётербиз,
Ойра, орира, ой.
Къара Ногъайда чариш этербиз,
Ойра, орира, ой.

Нарт атла джерни титиретелле,
Ойра, орира, ой.
Джулдузлу кёкге учуб кетелле,
Ойра, орира, ой.

Сарыубек сууну бойнун сакълайды,
Ойра, орира, ой.
Нарт эллерине тамчы таммайды,
Ойра, орира, ой.

Къуугъун къазауат ма деу боллукъду,
Ойра, орира, ой.
Суу ызла саулай къандан толлукъду,
Ойра, орира, ой.

Нарт садакълары кюбе тешелле,
Ойра, орира, ой.
Нарт сырпынлары гелеу кеселле,
Ойра, орира, ой.

Нарт къалаларыбыз ёхтем туралла,
Ойра, орира, ой.
Нарт эллилени джаудан сакълайла,
Ойра, орира, ой.

Доммай ууунда солуу болмайды,
Ойра, орира, ой.
Доммай ууунда атынг тоймайды,
Ойра, орира, ой.

Къолан туякъгъа джер чыдамайды,
Ойра, орира, ой.
Къолан туягъы джерге батмайды,
Ойра, орира, ой.

Гемуда атланса, джер титирейди,
Ойра, орира, ой.
Минги Тауундан бузла тюшеди,
Ойра, орира, ой.

Чууана сыртында садакъ атарбыз,
Ойра, орира, ой.
Итил бойнунда боза тартырбыз,
Ойра, орира, ой.