Омар Отаров - Ёрюзмекни джыры | Текст песни и Перевод на русский

• Тексты песен
• Омар Отаров
• Ёрюзмекни джыры

муз. и сл. народные

Нартда барды беш батыр,
Ори, орада!

Бара, джорта кетдиле,
Ори, орада!
Быллай джерге джетдиле,
Ори, орада!

Эл болмагъан джерледе,
Ори, орада!
От джарыкъла кёрдюле,
Ори, орада!

Не болгъанын билирге,
Ори, орада!
Ёрюзмек, сенден джигит джокъду,
Ори, орада!

Не этгенлерин билирге,
Ори, орада!
Барыб сорчу, Ёрюзмек,
Ори, орада!

Джорта кетди Ёрюзмек,
Ори, орада!

Шайтанлагъа джетди Ёрюзмек,
Ори, орада!

- Иш къолай болсун, аманла!
Ори, орада!
- Иш къолай болсун, аманла!
Ори, орада!

- Сау бол, сау кел, Ёрюзмек,
Ори, орада!
Джууукъ болсанг а, Ёрюзмек,
Ори, орада!

Атанг антлы джууугъубуз,
Ори, орада!
Джууугъубузну джашыса,
Ори, орада!

Сени да джууукъ этейик
Ори, орада!
Къыз керек эсе, берейик,
Ори, орада!

Той керек эсе, этейик,
Ори, орада!
Джелпегейинги къоя кел.
Ори, орада!

Тонун тешиб, Ёрюзмек,
Ори, орада!
Ичлерине киргенди,
Ори, орада!

Къобузчуну кёрген эд,
Ори, орада!
Къобузчу бла тепсей эд.
Ори, орада!

- Къайсы къызны сайлайса?
Ори, орада!
- Къобузчуну сайлайма,
Ори, орада!

Къобузчуну алырма,
Ори, орада!
Къалынын да айтыгъыз,
Ори, орада!

- Къалынын биз айтайыкъ -
Ори, орада!
Тюбюнгдеги къолан ат,
Ори, орада!

Башынгдагъы такъыя,
Ори, орада!
Джанынгдагъы къара къама.
Ори, орада!

- Алай болса, аланла,
Ори, орада!
Мен нартлагъа сорайым,
Ори, орада!

Ала айтханлай этерме,
Ори, орада!
Болджалыгъызгъа джетерме,
Ори, орада!

Къайтыб барды ол артха,
Ори, орада!
Хапар сорду нартлагъа,
Ори, орада!

- Патчахларыны къызыды,
Ори, орада!
Алыб келсенг, иги эд.
Ори, орада!

Артха къайтды Ёрюзмек,
Ори, орада!
Болджалына джеталмад,
Ори, орада!

Аланы анда табмайын,
Ори, орада!
Къайтыб келди ызына,
Ори, орада!