Омар Отаров - Сау къал, Малкъар | Текст песни

• Тексты песен
• Омар Отаров
• Сау къал, Малкъар

Музыка и стихи Биляла Аппаева.

Кёргенлей,джюрегим къанмайын,
Айландым бу сейир джерледе.
Атамы юйюнде джылыугъа
Тюбедим мен малкъар элледе.

Кетеме тансыкъ да алгъынчы,
Алай мен энтда да къайтырма.
Мында ариулукъну хапарын
Къарачай таулада айтырма.

Кязимни элинде айландым,
Таулу халкъ джырлагъа тынгылай,
Шохлукъну сезими биргеме,
Чегемде джюрюдюм арымай.

Таулу къыз ичирген суусабны
Татыуун унутмам ёмюрде.
Бахсанда бухарбёрк таулагъа
Сюймеклик уллуду кёлюмде.

Кетеме тансыкъ да алгъынчы,
Алай мен энтда да къайтырма.
Мында ариулукъну хапарын
Къарачай таулада айтырма.