Отарланы Омар - Абдулкеримни жыры ( Омар Отаров ) | Текст песни

• Тексты песен
• Отарланы Омар
• Абдулкеримни жыры ( Омар Отаров )

Балыкъ айланчындан тизилип чыгъад
Бу эркечлени аллары.
Ол окъ тийгенлей, къырылып тюшген эд
Абдулкеримни санлары.

Абдулкеримим, мени Хызирим,
Малланы таудан аудургъан.
Ой, Беккя улучукъ, алай а кёреме,
Бизге къара къанла жаудургъан.

Ол Беккяланы ол Рамазан,
Къуууп, ызларындан жетгенди.
Ол Беккя улуну алай жангыз огъу
Былай тёртеуленден ётгенди.

Ол Беккяланы ол Рамазан,
Жыйырма жылы жетмеген,
Быллай сейир, тамаша, айтхылыкъ ким кёрюр,
Атхан огъу тюзге кетмеген?

Энди бир ушкокла чыкъгъандыла, кюнюм,
Ой, инчге болуп тешиги,
Менлей, жабылып къалгъы эди ол кюндн
Беккя улучукъну эшиги.

Адамла сейир этелле ол кюн
Балыкъ башында къаугъагъа,
Абдулкеримни манга келтиргени
Эки багъыр окъду саугъагъа.

Ол юсюнгдеги сары кёлегинг
Ол сарымы эди, токъму эди?!
Бахсанчылагъа барып, кесинги ёлтюртмесенг,
Атангы малы жокъму эди?

Аланы малларын сюрмей не этейик?
Бизникиледен сютлюлле,
Бахсанчыланы несин а айтасыз?
Аланы аякълары тюклюлле.

Ол аман кюнде сауут алгъанед
Бу Беккя улучукъ къолуна.
Алай кесим кёпме, деп айтыученг, жазыкъ,
Бахсанчыланы онуна.

Кимледен эсе да уста тыныучуем
Абдулкеримни жашлыгъын.
Ах кюнюм, кимле тешип алдыла
Къан жугъу болгъан башлыгъын?

Сюрген малларынгы сюрюп баралла
Ол Бургусантда базаргъа.
Мен орус писарь болуб'а къалгъыем
Протоколунгу жазаргъа.

Протоколунгу мен жазсам эди,
Женгил битеред ишлеринг.
Алай багъыр окъла санагъандыла, ах кюнюм,
Нанымы къозу тишлерин.

Ой, къолумдагъы къобузум, алан,
Ол калиндордан кетерик.
Ол Беккя улучукъ ёлтюргенди, дейле,
Кезиую анга жетерик.

Ол Балыкъ бла Бахсанны арасы,
Ой, адам ётмез тау болсун.
Уручуланы къырып къойгъан эсе,
Ол Беккя улучукъ сау болсун.

Абдулкеримге окъ тийгенд, дейле,
Ой, анга дарман жарамаз.
Ол окъ тийгеннге дарман жарамайды,
Сют баш гыбытха къарамаз.