Отарланы Омар - Айджаякъ ( Омар Отаров ) | Текст песни

• Тексты песен
• Отарланы Омар
• Айджаякъ ( Омар Отаров )

Музыка и стихи Касбота Кочкарова (Багъыр улу)

Айджаякъ, ала джаулугьунг
Ариу джарашады бойнунга.
Мен сукъланама, ёлеме
Мамукъдан джумушакъ къойнунга.

Ой, джылкъы анасы - акъ байтал,
Ол а къарыш къулакъ тай табар.
Мен сени анангы уста таныйма,
Ол а къалгьан къатынладан файгъамбар.

Ой, джылкъылада хора тай,
Салчы аягьынгы тузакъгъа.
Манга эки къанат битги эд,
Айджаякъны алып кетерге узакъгьа.

Ойра, тузакъ, дейле, къоймайла,
Къанжыгъамда джибек аркъаннга.
Сора хора дейле, къоймайла
Кесим миниучю тарпаннга.

Ой, тарпан тайла ойнайла,
Ала ойнагъандан тоймайла.
Сени ананг манга сормай берлик эд,
Къалгъан сюймегенле къоймайла.

Ой, тулгьа барлыкъ сен болсанг,
Санга менден игини ким табар?
Иги тулгъа бармай къалгъан къатын,
Артда сагъыш этип, джер къабар.

Ой, джылкъы анасы - акъ байтал,
Ол а сакъат болду, ырахын.
Ойра, мен сюйгенлей сюймесенг,
Сени болсун мени гюнахым.

Ой, Багъыр улу къурурукъ,
Къаллай хоралагъа минеди,
Къара кёрпе тонла киеди,
Эрсиз къатынланы сюеди.

Кел, биз Тебердиге барайыкъ,
Джашарбыз, къанжал баш юй салып.
Башыбызгьа уллу кюн салып,
Эшиклеге къаты чюй салып.

Ойра, тауда отлагъан кийикле,
Ала джукъламайла, сойланмай.
Мен сени алай алып къоялмам,
Иги сагъыш этип, ойламай.

Туура болумунгу мен айтсам,
Айджаягъым, ариу акъ джаулукъ,
Къалмагъанды сени юсюнгде
Керти алгъын кибик махтаулукъ.

Отарланы Омар еще тексты