Отарланы Омар - Аланла ( Омар Отаров ) | Текст песни

• Тексты песен
• Отарланы Омар
• Аланла ( Омар Отаров )

муз. и сл. народные
(песня была записана со слов 100-летнего старика в 1983 году)

Хей, аланла, къазауатха тургъанбыз,
Уллу таула бояла къызыл къаннга,
Алан халкъы бирден болуп, къопханбыз,
Кюбеле да булгъана мурдар къаннга!

Тенгиз ууу ёзенлеге жетгенди,
Алтын чачлы кёк кёзлюле, къайдасыз?
Кюбелени, къылычланы жылтыратып,
Аланлыла, къазауатха чыгъыгъыз!

Биз барырбыз ёзенледен тенгизге,
Алан халкъы, тебире жортуулгъа!
"Къонакъбайны жолу бошду!" - деп къойсакъ,
От салырла тау башында туузгъа.

Алан къандан толгъан къадар жюрекле,
Къара къанлы гыбышыла, тохтатыгъыз!
Алан халкъы бирден болуп сюелсе,
Мурдар къанны тенгизледен эмербиз.

Хей, аланла, ким базыныр, бир болсакъ?!
Алан тюзге уллу кёллю биз болсакъ,-
Къара къанлы сарыуекле жетерле,
Хожанлагъа чигинжиле битерле.

Хей, аланла, ант этейик бир болуп:
Аллыбыз тюз, артыбызда тау болса,
Бир этекли эки тёппе сау болса,
Алан тюзде къара къанлы онгдурмакъ!

Къойларыбыз отларла жайлыкълада,
Гыбышыла тешерле ауузлукъну,
Бизни къызла эки эшме атарла,
Ышымларын жылтырата батырла.

Кёк гюлменди къысылгъанды тойлада,
Акъ гюлменди кийилгенди отоуда,
Бал жагъайыкъ алан къызгъа, хей, маржа!
Тухтуйланы хазырлагъыз, аланла!

Хей, аланла, къазауатха туругъуз!
Тенгизлиле ёзенлеге кирдиле,
Бийик таула артыбызда къалсынла!
Тулпар къанла сакъласынла ёзенни!

Къара кюйню жырламагъыз таулада,
Атлы ётмез биз саулукъда жашыртын!
Къара къойла союлурла къууанчда,
Хей, аланла, сакъ болугъуз таулагъа!

Хей, аланла, келип къалды къара кюн,
Ой, жарлы анам, барабыз тенгиз къапха,
Ёре хожан букъулудан толмасын,
Бир гыбышы алан тюзде онгмасын!

Кюн да батар, танг да атар ёзенде,
Биз келирбиз, алан къартла, сакълагъыз,
Кёбелейге сюзюлюрбюз, къууана,
Аналагъа баш урурбуз, къаплана!