Отарланы Омар - Алты батыр ( Омар Отаров ) | Текст песни

• Тексты песен
• Отарланы Омар
• Алты батыр ( Омар Отаров )

Къолумдагъы четенни алып тартханма
Сызгъырып учхан къушну марап ызындан,
Санга уа мен не ахшылыкъ этейим?!
Кюн чыгъышда уа ёгюзле юлешим.

Эртте туруп сууукъ аязгъа чыкъам а
Тёрт да саным бирден а алай уралла,
Чаба кетип ат юсюнде арысам,
Жюрегиме хошлукъ келип солуйма.

Сизге да жюрегимден юлюш этейим,
Сизни бла айланыргъа сёз берейим.
Узакъ жерледен мен салып келеме,
Кесим кибик батырланы излейме.

Бешигиз да беш элден сиз да келгенсиз,
Бир биригизни уа уста сиз билмейсиз.
Тенгликни жюрютюрге ант этейик,
Шуёхлукъ бла жашаргъа сёз берейик.

Таулада ташла къоймай къарыу сынайсыз,
Мен да алтынчы болуп сизге къошулдум.
Нёгерликде тюз жол бла барайыкъ,
Къобну юйюнде берекетни кёрейик.

Тау алында къамишбаш юйле кёреме,
Арбазда уа жюрюген адам кёрмейме.
Бу тийреде адам улу болурму,
Алыбызгъа чыгъып салам берирге?

Атландыла батырла бары бир болуп,
Шуёхлукъда жашаугъа ала бир болуп.
Душманлагъа къажаулукъчу болмазгъа,
Халкъла бла эркинликде жашаргъа.

Отарланы Омар еще тексты