Отарланы Омар - Анам, сакълама ( Омар Отаров ) | Текст песни

• Тексты песен
• Отарланы Омар
• Анам, сакълама ( Омар Отаров )

Ой анам харип, сен мени аллыма
Кёз къакъмай къарагъанлы азмы болду?
Жюрегинг ийнанмай тас болгъаныма.
Огъурлу бетинг былай сазмы болду?

Анам харип, жолгъа бош къарап турма.
Кир юйге, кёремисе кеч болгъанды?
Жюрегингде ашхы умутла къурма,
Жашынг солдат эд, солдатлай къалгъанды.

Анам, энди урушдан къайтып келип,
Сени тансыкълай, тор атымдан тюшмем.
"Анам, урушда бек суусап болдум", - деп,
Халал къолунгдан айран алып ичмем.

Ол сени аналарына санаучу
Кёп тенгим урушдан къайтхан болмазла.
Зыбыр къолунг бла сылаучубашыма
Окъ тийгенин айтхан болмазла.

Эрни иши алайды, алайды, жаным,
Аны къабыры элинде болмайды.
Ата журтуна къоркъуу тюшсе, анам,
Ол къанын, жанын да артха салмайды.

Кир юйге, анам, кеч болгъанд, кёресе.
Энди манга къурманлыкъла атама.
Энди манга отоу жасап не этесе?
Белгисиз солдат къабырда жатама.