Отарланы Омар - Ариу мёлек ( Омар Отаров ) | Текст песни

• Тексты песен
• Отарланы Омар
• Ариу мёлек ( Омар Отаров )

Кечеле узун а, да кюнле къысха,
Тангнга деричи, ой!
Сюймеклик ачыуун мен а сынамагъан эдим а
Санга деричи, ой.

Мен баргъан эдим а уллу Тебердиден
Таш-кёпюр элине къонакъгъа,
Башым а къалгьанды да, ах, мен жазыкъны да
Быллай таурух бла уа жомакъгъа.

Теберди аягъына да биз жетгенлей,
Бир бёлек атлы кёрюндю.
Аланы кёргенлейин, сабий акъылым а
Да таугъа-ташха уа бёлюндю

Алларында келген а ана къарындашым,
Ол мени сарнатды, улутду.
Шибиля тийгенча, жетип ургъанлайын,
Сау санларымы уа къурутду.

Къулгъа баргъанса деп да, мен жазыкъны
Къайтарып элтдиле элиме.
Ат къамичиле уа, тейри, шууулдап а тиелле да
Мени субай ёсген а белиме.

Къамичиле къаралтхан мени мор санларым
Отха тюшшгенче кюелле,
"Тукъум бети жойгъан уялмаз" деп
Мени къамичиле бла уа тюелле.

Гюнахым а жетсин, ары ий, ана къарындашларым -
Герий бла Къасботха, ой.
Ой, нен жазыкъны, дейди, была миндирдиле да
Былай агъач атха, ой.

Бу манга жетген а къыйынлыкълагъа
Да тюз адамла къарайла.
Атны да юсюнден а акъгъан къанымы да
Бу калак итле уа жалайла.

Къамичиле тийген а, ой, санларымдан
Тынч жаталмайма, керилип.
Ой, энди ёлюп а, кетип барама, Рамазан,
Да жюрегим а санга термилип.

Отарланы Омар еще тексты