Отарланы Омар - Бекболатны жыры ( Омар Отаров ) | Текст песни

• Тексты песен
• Отарланы Омар
• Бекболатны жыры ( Омар Отаров )

Алай бек битгенди Холам агъачны, ой, кёгёти,
Бий Омар болгъанды жаш келинлени, ой, ёлети,
Алай къул жигити къаты болады, ой, бек болад,
Ой, аллай жигит а ол Махийланы, ой, Бекболат.

- Ой, Акъ къаяда да мен токълуланы, ой, кюте эм,
Ой, Акъ къаяда да мен кёп жугъутур, ой, кёрген эм,
Ой, санга сормай а атаргъа болмай, ой, келгенме.
Кел, Омар, бюгюн биз ол Акъ къаягъа, ой, барайыкъ.

Ала азыкъларын а, ой, къолларына, ой, алдыла,
Алайдан ёрлеб'а ол Акъ къаягъа, ой, бардыла,
Омар бийден Бекболат кийиклени, ой, жашырды,
Артындан тюртюб'а ол Акъ къаядан, ой, ашырды.

Ой, Акъ къаяда да ол артиш терек, ой, кёп болур,
Холам жарлысы да ол бий Омардан, ой, бир солур,
Ол Бекболат эди ол кийиклеге, ой, къараучу.
Бий Омар болгъанды жаш келинлени, ой, мараучу.

Уугъа чыкъгъан эдинг ол кийиклеге, ой, буулагъа,
Эркин этмей эди ол жерден чыкъгъан, ой, суулагъа,
Ой, энди Омар а ол кийиклеге, ой, къарамаз,
Жаш келинлени да ал кечелерин, ой, марамаз.

Ой, Акъ къаяды да ол жугъутурлу, ой, текели,
Къаяда къалгъанды ол Омар бийни, ой, кекели.