Отарланы Омар - Бийнёгер ( Омар Отаров ) | Текст песни

• Тексты песен
• Отарланы Омар
• Бийнёгер ( Омар Отаров )

муз. и сл. народные

Гежох улу да - ол жигит туугъан Бийнёгер
Эрле ичинде да махталып келген батыр эд.

Тамата къарындашынг - Омар ол ит ауруудан ауруйду,
Анга жарарыкъ а ол акъ маралны сютюдю.

Аны тутарыкъ - ана къарындашынгы итиди.
Бийнёгер баргъан эд къарындашына ит тилей.

Эгечлеринден туугъанны къонакъча кёрмелле,
Ол Бийнёгерге уа ит кючюклерин бермелле.

Андан баргъан эд Къубадийлагъа ит тилей,
Къубадийлери уа элтип парий кючюк бердиле.

Санга келген кюн келсин сени сюймеген къанлынга,
Ол юч аякълы уа бир кийик чыкъды алынга.

Ол кийикни уа сен сюре, къууа кетген энг,
Уллу Басханны уа питауларына жетген энг.

Кийик эсенг а илишаннга салып атма къой,
Саууллукъ марал эсенг сен эмчегинден тартма къой.

- Мен кийик тюйюлме илишаннга салып атаргъа,
Сауллукъ марал тюйюлме мен эмчегимден тартыргъа.

Мен кийик тюйюлме, Апсатыны ариу къызыма,
Бизни къоймай эсенг, сен сау къайтмагъын ызынга.

Ашадынг, ичдинг бизни къаныбыздан, тоймадынг,
Биз хариплени уа бу къая аралада къоймадынг.

Тёбен жанынг сени тенгиз болсун, терк болсун,
Огъары жанынг а ма бийик болсун, кёк болсун,

Эки кюндешинг сени шайтан кёрмез бек болсун,
Ол аны ичинде уа сени жашар кюнюнг кёп болсун.

Онбеш кюнню ол къая ыранда жашадым.
Билек этлерими мен кесим тутуп ашадым.

Уучу итим ол манга къарап юргенде,
Ол къая ыранда уа ма къыйынлыкъны кёргенде,

Бут этлеримден кесип а анга ашатдым,
Ол онбеш кюнню уа кесим бла жашатдым.