Отарланы Омар - Гоккан ( Омар Отаров ) | Текст песни

• Тексты песен
• Отарланы Омар
• Гоккан ( Омар Отаров )

муз. и сл. народные

Ой, да, гоккан, гоккан дейле
Кийик эчкини уа маркъа улагъына,
Къулакъ сыргъачыкъла, тейри,
Ариу жарашалла да эки къулагъынга.
Орус ингиликле, тейри,
Былай жарашалла да эки жыягъынга.
Ой, да, сиз да неле айтасыз,
Къара тенгизлени уа Ала чабагъына!
Сюйген тенг къызлары, тейри,
Жюрюучю уа болдула да
Тургъан къабагъына.
Къобан къара суула, тейри,
Танылыб а энелле да
Акъ тамагъынг бла.
Тауукъ балачыкъла, тейри,
Жюуюлдеп а ётелле да
Аякъ балагъынг бла.
Ой, да, гоккан, гоккан дейле,
Ой, да, гоккан дейле да
Алтын а тауукъгъа.
Сени да алсам, батар эдим
Ой, дуниялада да керти да зауукъгъа.
Ой да, гоккан, гоккан дейле,
Ой да, гоккан дейле да
Акътамакъ баппушха.
Сени да алсам, барыр эдим
Къырымшаухаллада уа
Тюзюнлей болушха.
Беш бармакъ хонча дейди
Къаз боюн, гогуш а,
Акътамакъ баппуш.
Сурахай Зурият, дейди,
Инчкебел Уркъуят,
Ариуду Татлыхан,
Къараякъ Дайхады, дейди,
Мени сюйгеним а
Тынчды, ногъайлы.
Айтып айталмайла, бирда,
Бу ногъайлыны уа керти да тынчлыгъын,
Эки чий сапын, тейри, кетералмайла, кетералмайла
Къараякъ Дайханы, дейле,
Эки аягъында да тыкыр къышлыгъын.
Жайлыкълагъа ёрлеп чыкъдым,
Анда буу ёлтюрдюм да агъач садакъ бла.
Ыйыгъынг жетгинчи, бетсиз,
Амманы башын нек жаргъаненг
Боза къалакъ бла?
Анда мен а, мени кюнюм а, дейди,
Амма манга чапханед да
Жамчы таракъ бла.
Эчкибашлары, тейри, суу ташыйдыла да
Ючлю гылыу бла.
Бирси къызларын, тейри, Хорасан хорлайды
Жюрек жылыуу бла.
Эчкибашлары уа, тейри, суу ташыйдылада
Тегей арба бла,
Хорасанны семиртедиле была
Жёгетейде
Базар алма бла.