Отарланы Омар - Гюдюргю ( Омар Отаров ) | Текст песни

• Тексты песен
• Отарланы Омар
• Гюдюргю ( Омар Отаров )

Ой, гюдюргю, ой, жаным къалайдаса?
Адам улун Тейри ючюн багъармыса?
Акъ къаяны алында мен жашайма,
Хурс-Хъалыдан келген будай ашарма.
Адам барып айгъа къарап тургъанда,
Келип балдан ашатыучу гюдюргю.

Ой, гюдюрдю адамланы къоргъучу,
Ажашханны элине алып барыучу,
Къая алында атха жюген салыучу,
Игини атын дылгам бетге жазыучу.
Адам барып айгъа къарап тургъанда,
Келип балдан ашатыучу гюдюргю.

Ой, гюдюргю гюдюргюлей жашагъын,
Минг жылланы къара будай ашагъын,
Базынмагъан гюдюргюге бармасын,
Баргъан сайын таугъа чыкъмай къалмасын.
Адам барып айгъа къарап тургъанда,
Келип балдан ашатыучу гюдюргю.

Багъаларбыз сени жатхан жеринги,
Унутмабыз, жашатырбыз элинги,
Бозалыкъгъа Гюдюргюден будай ал,
Къайда эсенг да, ариулукъгъа ийнанал.
Адам барып айгъа къарап тургъанда,
Келип балдан ашатыучу гюдюргю.

Гюдюргю сен будай оргъан жеримсе,
Бир жюз жылдан дагъы бери келирме,
Ат налынга хурмет этип кетерме,
Бир иш бюртюк ол заманда себерме.
Адам барып айгъа къарап тургъанда,
Келип балдан ашатыучу гюдюргю.


Отарланы Омар еще тексты