Отарланы Омар - Джашны джыры ( Омар Отаров ) | Текст песни

• Тексты песен
• Отарланы Омар
• Джашны джыры ( Омар Отаров )

муз. и сл. народные

Таула башлары къаралыб келеди,
Ол джауунмуду, къармыды?
Джерни юсюнде джанла да, къызчыкъ,
Сенден ариучукъ бармыды?

Юйюмю аллында битгенди, къызчыкъ,
Бир ариу алма терекчик.
Ох, ариу, ким кёрлюк болур
Сенича ариу мёлекчик?

Бир бек сюйгенме, ёлюп къалама,
Джанынга къурман болайым.
Алтын къанатлы чыпчыкъчыкъ мен болуп,
Кёкюрегинге къонайым.

Кёкюрегинге мен къонсам, къызчыкъ,
Не келир сени эсинге?
Кесинг джангызлай тюбесем эди,
Сёлешир эдим кесинге.

Эшикни къаты бегитчи, къызчыкъ,
Чыракъны джарыкъ джандырчы,
Танг атхынчыннга ушакъ этейик,
Сюйген джюрекле къаннгынчы.

Ой, сен кийиучю джыйрыкъларынгдан
Бизни къызчыкъла да киерле,
Ой, сен алагъа келин болсанг а,
Джанларындан сени сюерле.

Алтын къанатлы чыпчыкъчыкъ мен болуп,
Терек башыгъызгъа къоннгу эм.
Аяулу къызчыкъ, асыулу къызчыкъ,
Ананга киеу болгъы эм.

Юйюмю аллында уллу суу барды,
Сюзюлюб барад тенгизге.
Мындан кёп мени джалындырмайын,
Келип къалсанг а бизни юйге.

Юйюмю аллында уллу суу барад,
Ашыгъып барад тенгизге.
Сени бла къалай барлыкъ болурма
Мен, уялмайын, сизни юйге?