Отарланы Омар - Долай ( Омар Отаров ) | Текст песни

• Тексты песен
• Отарланы Омар
• Долай ( Омар Отаров )

муз. и сл. народные

Ой, долай, долай, долай былкъылдай,
Ийнекле келелле, черкес жылкъылай.
Ой, долай, долай, долай былкъылдай,
Эчкиле келелле, акъгъан чырпылай.

Ийнеклени алларында келген къара ийнек,
Ол къара ийнекнида болур жууурту.
Эчкилени алларында келген сары эчки,
Ол сары эчкини да болур гыбыты.

Ой, долай, долай, долай, дол гыбыт,
Ой, сен а ичип, ма сары майдан тол, гыбыт.
Ичиндеги къара ийнекни жуууртуд,
Тышындагъы сары эчкини гыбытыд.

Ой, долай, долай, долай булакъдан,
Ийнекле келелле агъач къулакъдан.
Бизни юй бийчебиз бешбаш эмеген,
Кишиге бермей, тапханын кеси жемлеген.

Ой, долай, долай, долай, долдургъан,
Уллу сары гоппан жаула алдыргъан,
Биз сенден гоппан майла алырбыз,
Таматабызны, элтип, алына салырбыз.

Таматабыз къаш-къош тигим къапдырыр,
Айтхан жумушуна женгил чапдырыр,
Айтхан жумушуна женгил чапмасакъ,
Бутларыбызгъа сийреш чыбыкъны тартдырыр.

Ой, долай, долай, долай, май долай,
Къошубузгъа ач къонакъла келдиле,
Ала, сени сакълай, ачдан ёлдюле,
Ой, бола эсенг, сен а бол, гыбыт.

Болмай эсенг, сени бучхагъынгы тешерле,
Мени да къулагъымы кесерле,.
Экисин да бир бирине тагъарла,
Тюплеринден отну къызыу жагъарла.

Мен айтама май долайны сарынын,
Майдан толсун сен гыбытны къарынынг,
Тууарчыла, жигит долайчыла,
Жазгъа сау чыкъсынла долайны жырлагъан малчыла.