Отарланы Омар - Домалайны жыры ( Омар Отаров ) | Текст песни

• Тексты песен
• Отарланы Омар
• Домалайны жыры ( Омар Отаров )

Эрттеден бери да мен Къарачайгъа кирмеучем,
Байлагъа болмаса, мен жарлы адамгъа тимеучем.
Къапхынладан а мен жюзден азын сюрмеучем, ой тай-та,
Къапхынланы да бир бёлюп-бёлюп сюрюучем.

Вагоннга къуюп да не Армавирге ийиучем,
Ол Армавирде да бир гиняз кибик жюрюучем,
Мен тура эдим да ол къонакъ юйде олтуруп,
Столуму да сыйлы ичгиледен толтуруп.

Гапполаны бир Ойдур келди юсюме,
Кюндюз жолукъгъанма мен, кече кёрген тюшюме.
- Турсанг а, Домалай, турур кезиуюнг болгъанды,
Элкъушну башы да бир къапхын атдан толгъанды.

Ол кезиуде да мен атланыргъа сюймеучем,
Чыгъара барып да ёлтюрлюклерин билмеучем.
Байлагъа болмаса, мен жарлы адамгъа тиймеучем
Ёрлеб биз Элкъуш сыртына баргъанбыз.

Гаппо улу да не керохуна узалды,
Чолакъ Бияслан а, тартып, къамасын чыгъарды.
Элкъушну башы да ол къызыл къандан къызарды.
Сени жауунг а аман ниет тутсун тенгине.

Сени жауунг кир ниет тутсун тенгине,
Баш токъмагъымы да кесип сукъдула женгиме.
Ана къарындашым ма Голаланы Наныды,
Оруслу къатыным тёппе кекелимден таныды.

Ёлген ёлюгюмю да элтип жардан атдыла,
Мени ол кёк атымы, Теркден ётдюрюп, сатдыла,
Алтын къамамы да, залогга салып, тартдыла,
Олтургъан жерде да мени жырымы айтдыла.

Шиткъалада эки ийнарал жууугъум,
Ол дунияны да ма къол аязлай жюрютген.
Къанымы уа алалмай, кетип барама,
Ой, Гапполаны да ма Ойдур деген бир итден.

Сюйген тенгинг Гапполаны Ойдурду,
Чыгъара барып а чолакъ Биясланнга сойдурду,
Халал а къанымдан харам итлени тойдурду
Ойдур да кетгенди бу дуниядан, тюп болуп.

Домалай жатады, ма къая ыранда, къурт болуп,
Ёлген а ёлюгюмю, элтип, жардан аталла,
Алтын къамамы да залогга салып тарталла,
Ол къая ыранда да бир жау чыракъла жаналла.