Отарланы Омар - Жантуугъанны жыры ( Омар Отаров ) | Текст песни

• Тексты песен
• Отарланы Омар
• Жантуугъанны жыры ( Омар Отаров )

Басхан элде тёре болду марал бала марагъан,
Ойра, ой, марагъан.

Жантуугъан а Тар ауузда айыу бала къоймагъан,
Ойра, ой, къоймагъан.

Басхан тауда аз болгъанды Апсатыны маллары.
Жантуугъанны сакълай эди Апсатыны налаты.

Жантуугъан а чамландыргъанд Апсатыны къызларын.
Жаш уучула, марламагъыз Апсатыны ызларын.

Жантуугъаннга тийген болур Апсатыны налаты,
Кеси аллына келген эди аны миниучю аты.

Жаш уучула, марламагъыз Апсатыны ызларын,
Кесигизге къадалтмагъыз Апсатыны къызларын.

Къаргъа, жерге терк баталла туякъланы ызлары,
Уучуланы терк жетелле Апсатыны къызлары.

Тангжулдузча, жарытады аны эки мюйюзю,
Окъдан, желден терк болады Апсатыны жюрюшю.

Жаш уучула, малтамагьыз Апсатыны ызларын,
Кесигизге къаргъатмагъыз сары чачлы къызларын.

Апсаты уа бек сакълайды маралларын, малларын,
Уучуладан бек алады кийиклени къанларын.

Апсаты уа кертичиди сюрюуюне, сёзюне,
Аман уучу терк тюшеди аны эки кёзюне.

Жантуугъан а умут этди Адыр бойнун сакъларгъа,
Къарча ташда ант этгенди акъ маралла мараргъа.

Огъурсуздан, марал бала жилятханды Жантуугъан,
Къарча айтханнга тынгыламагъан, налат санга, Жантуугъан.

Апсаты уа болуучеди кийиклени ёкюлю,
Къая ыранда къалгъан эди Жантуугъанны ёлюгю.