Отарланы Омар - Жёрме - Къарачайдан ( Омар Отаров ) | Текст песни

• Тексты песен
• Отарланы Омар
• Жёрме - Къарачайдан ( Омар Отаров )

Къарачайдан бёлек атлы
Тебредиле, ой, ой.
Ала, жорта, Загъызандан
Атландыла, ой, ой!

Ала алайда азыкъларын
Жаратмалла, ой, ой!
Ала алайда доммай уугъа
Жайылдыла, ой, ой!

Алайчыкъда ёлтюрдюле
Семиз доммай, ой, ой!
Ол доммайдан этген элле
Тогъуз жёрме, ой, ой!

Жёрмелени санадым да -
Бири жокъ, ой, ой!
Жёрме урларгъа Шимаухадан
Тири жокъ, ой. ой!

Былай ары жёрме озуп
Кёрюрмегиз, ой, ой?
Ол сагъатха аны ашаргъа
Бёрюмегиз, ой, ой?

Мени жёрмем алты эшекге
Жюк болады, ой, ой!
Аны урлагъан юйю бла
Тюп болады, ой, ой!

Мени жёрмем багъанадан
Базыкъ эди, ой, ой!
Мени жёрмем бир къарыннга
Жазыкъ эди, ой, ой!

Жёрме барад, маржа, жашла,
Жаным бла, ой, ой!
Къан салгъанма жарлы юйюме
Къарным бла, ой, ой!

Жау жагъылып, урлагъанымы
Билдирдим, ой, ой,
Уллу къабып, мен аузуму
Кюйдюрдюм, ой, ой!

Иги къартла жау сюртелле
Мансларына, ой, ой.
Ариу къызла чач бау салалла
Чачларына, ой, ой.

Чачы жете болур, тейри,
Табанына, ой, ой,
Ариу къызла, эр тапмайбыз
Аманыгъызгъа, ой, ой.

Аман къатынны мен айтайым
Сарынын, ой, ой!
Аман болсанг, бурулсун
Сени къарынынг, ой, ой!

Къатын болса, къатынладан
Къаты болсун, ой, ой.
Аман къатынны жашар кюню
Алты болсун, ой, ой!

Аман къатын от жагъада
Олтурур, ой, ой,
От жагъаны тюкюрюкден
Толтурур, ой, ой.

Эри урушса, ата юйюне
Кете болур, ой, ой,
Этеклери тухтуй таууш
Эте болур, ой, ой!

Айлана болур, арпа ун кибик,
Юйрегенлей, ой, ой,
Чарыкъларын табанындан
Сюйрегенлей, ой, ой.

Аман къатынны билген ашы
Как болур, ой, ой!
Ахшы къатын къыш къатыкъгъа
Сакъ болур, ой, ой!