Отарланы Омар - Кёгюрчюнюм ( Омар Отаров ) | Текст песни

• Тексты песен
• Отарланы Омар
• Кёгюрчюнюм ( Омар Отаров )

Айлана, жюрюй келгенме, алан,
Тутханма кёксюл кёгюрчюн.
Къанатчыкъларынгы кесим кесерикме,
Иерик тюйюлме ёлгюнчю.

Хар эрттен сайын ариу къычырад
Басхан башыны къундузу,
Хар ингир сайын жарыкъ жанады
Ингирликде ашхам жулдузу.

Ой, нарат тереклени ичинде
Жаз кече булбул жырлайды,
Тауланы артында толгъан ай чыкъса
Ариуум санга ушайды.

Тарыгъууларымы айтып олтурсам
Тохтап къарайла булутла,
Санга термилип мен жерге къаплансам
Бууала болурла кырдыкла.

Ариу согъулгъан къобуз макъамча
Жюрекге жетген сёзлеринг,
Мени акъылымы алып кетгендиле
Ышара тургъан кёзлеринг.

Келчи ариуум, кел ариучугъум
Ой, бизни элге барайыкъ,
Сен жауун болуп мен туман болуп
Сыртладан бирге ауайыкъ.