Отарланы Омар - Келинни келеди ( Омар Отаров ) | Текст песни

• Тексты песен
• Отарланы Омар
• Келинни келеди ( Омар Отаров )

Музыка Омара Отарова, стихи Ибрагима Маммеева.

Келинни алып келебиз, жол беригиз, ой орайда!
Эй, бек ариуун сайлагъанбыз, ма кёрюгюз!

Къолан кийизле жайыгъыз жолубузгъа,
Эй! Алгъыш аякъ тутдуругъуз къолубузгъа!

Келин келед, юйге киред, жол къоюгъуз!
Эй, той этигиз, къонакълагъа къой союгъуз!

Къууанч келед, эшиклени кенг ачыгъыз!
Эй! Юйню тюбюне ариу гюлле чачыгъыз!

Алып келебиз сизге кёгюрчюнчюкню,
Эй! Он бармагъындан бал тамгъан келинчикни.

Насыпха эшик ачыгъыз, жол къоюгъуз!
Эй! Огъурлу юонде этилсин бу тоюгъуз!

Огъурлу болсун келинни аякъ ызы!
Эй! Кёп болсунла аны тапхан жашы, къызы!

Хар заманда ачыкъ болсун кёзю, къашы!
Эй, берекетли болсун къолу, этген ашы!

Насыпдан толтурсун сизни келинигиз!
Эй, аны бла махтансын саулай элигиз!

Сюйгенлеригиз бютюн да бек сюерча,
Эй, сюймегенле ачыудан тобукъ тюерча.

Зауукълу жашагъыз келинигиз бла,
Эй, биз кёп алгъыш этебиз кёлюбюз бла!

Насыпха эшик ачыгъыз, жол къоюгъуз!
Эй, огъурлу кюнде этилсин бу тоюгъуз!