Отарланы Омар - Кёчгюнчюлюк ( Омар Отаров ) | Текст песни

• Тексты песен
• Отарланы Омар
• Кёчгюнчюлюк ( Омар Отаров )

музыка Омара Отарова
стихи Хусея Будаева

Тау эллеге къара къанла жаугъанды,
Эки къая бир бирине аугъанды!
Тау эллеге бу сыныкълыкъ нек жетди?
Къалмай бирден насыбыбыз нек кетди?

Жарлы бизге аман оноу бичдиле,
Бу кяфырла къаныбызны ичдиле!
Онгу болгъан къазауатха кетдиле,
Онгсузлагъа бир терс оноу этдиле!

Биз барабыз вагонлада олтуруп,
Этеклени джыламукъдан толтуруп!
Биз барабыз ышармайын, кюлмейин,
Элтиб, къайры къуярларын билмейин!

Къыргъыз, къазакъ ёзенлеге тёгюлдюк,
Терслигибиз болмайгъанлай сёгюлдюк!
Кёчгюнчю теп кирли болуп атыбыз,
Жокъду бизни къагъытыбыз, хакъыбыз!

Комендантла ызыбыздан марайла,
Ултха сакълап, кёзюбюзге къарайла!
Комендантла бизни кютюп туралла,
- Къол салыргъа кеч къалдынг, - деп, уралла!

Ёлгенлени салыр кибик жер болмай,
Къабырланы къазар кибик эр болмай!
Тиширыула къабыр къазыу сынайла,
Ёлгенлерин кёмалмайын, жылайла!

Кёб инжилип, эркин болдукъ, шош болдукъ,
Тутмакълыкъдан башыбызгъа бош болдукъ!
Энди биз да журтубузгъа къайтайыкъ,
Уллу Аллахха махтау, ыспас айтайыкъ!

Къыргъыз, Къазакъ, къонакъ кибик кёрдюгюз,
Къыйын кюнде бизге хурмет бердигиз!
Къыргъыз, Къазакъ, сау къалыгъыз, саламат,
Къабырланы сизге этебиз аманат!

Отарланы Омар еще тексты