Отарланы Омар - Къарт анамы осияты ( Омар Отаров ) | Текст песни

• Тексты песен
• Отарланы Омар
• Къарт анамы осияты ( Омар Отаров )

Кёчгюнчюлюкде ёлюм жетген къарт анам,
Тилек тилеп, ёлмез ючюн кюрешдик,
Ёлмей къалгъан туудукъларын чакъырып,
Барыбызгъа былай айтып сёлешди:

"Энди манга буйурулмаз жанларым,
Къайтып барып Минги тауну кёрюрге,
Мен жарлыгъа буйурулгъан кёре эдим,
Туугъан журтдан узакъ жерде ёлюрге.

Шам Кавказны кёралмайын ёлеме,
Туудукъларым сиз ажымсыз кёрюрсюз,
Азатланып туугъан журтха къайтсагъыз,
Къарачайгъа менден салам берирсиз!

Терс болмай, зорлукъ жетип ёлгеними
Туууп ёсген тауларыма айтырсыз,
Жаулугъуму, ботамы Къумуш элде
Къабырлада къабыр этип басдырырсыз.

Минги таугъа, Мух ауушха, Махаргъа
Сиз айтыгъыз ёлгенлеге сарнасынла,
Тауларымы мудах басхан булутлары
Мени ючюн туугъан Журтха жилясынла.

Тёрт балам да этедиле къазауат,
Къайтсала къабырымы танысынла,
Ыразыма мен алагъа сёз болмай,
Осиятым, къабырымда жилясынла.

Ала келмей, къазауатда ёлселе,
Туудукъларым къабырларын табарсыз,
"Сизни анагъыз артыкълыкъда ёлгенди" деп
Мени ючюн тёрт къабырда жилярсыз."

Къарт анам ол осиятын бошады,
Эки кёзюн кирпиклери жапдыла,
Таууусулгъан кёзлеринден кёз жашла,
Ууакъ-ууакъ жастыгъына тамдыла.

Эй, къарт анам сау къалгъан туудукъларынг
Сен айтханча шам Кавказгъа келдиле,
Тёрт жашынгда артха турмай, Журт сакълай
Жигитликге ие бола ёлдюле.