Отарланы Омар - Лакъырда таулу жыр ( Омар Отаров ) | Текст песни

• Тексты песен
• Отарланы Омар
• Лакъырда таулу жыр ( Омар Отаров )

Ол малчылагъа къара къанла жаугъанды
Къызла окъугъанланы сюелле,
Эндиги къызланы несин айтасы
Тобукъдан кёнчек киелле.

Тобукъдан кёнчек киелле была
Тюплери бир къат чындайла,
Эндиги жашланы жырла усталары уа, тейри,
Жырланы шатык жырлайла.

Къызла орамлада алай жюрюйле
Ол кичи бла тамата,
Тюкен келгенликге уа, тюшге болмай къалады, тейри,
Пудра бла помада.

Ол пудраны былай сюртмегиз,
Бузулур кёзюгюз, къашыгъыз,
Сиз бойнугъузну уа алай ачсагъыз а, тейри,
Жиляннга ушайды башыгъыз.

Сиз бойнугъузну алай ачсагъыз
Жиляннга ушайды башыгъыз,
Сиз белигизни уа алай бошласагъыз а, тейри,
Тулпар боллукъду жашыгъыз.

Ол артдан артха чыгъарлыкъ болурла
Биз жарлылагъа зыбырын,
Белни бошлай барсанг а
Сен кенгере барырса, тейри, къурутсун Аллах тыпырын.

Къызла орамлада алай жюрюйле
Жашла кеслерин къойгъанча,
Капот жыйрыкъла деп да бир жыйрыкъла киелла была,
Тананы толукълукъ сойгъанча.

Къызла орамлада алай жюрюйле
Жашла кеслерин къуугъанча,
Капот жыйрыкъла деп да бир жыйрыкъла киелла была,
Къанжыгъагъа къапчыкъ буугъанча.

Къызла орамлада алай жюрюйле,
Жашла кеслерин сюйгенча,
Айыпларын айтсанг а алай чочуйдула,
Гергъогъ‘а къадырын тюйгенча.