Отарланы Омар - Минги Тау ( Омар Отаров ) | Текст песни

• Тексты песен
• Отарланы Омар
• Минги Тау ( Омар Отаров )

музыка и стихи Исмаила Семенова

Сен кёкге жете бийиксе
Ууакъ тауланы ичинде.
Мияла кибик жылтырай,
Къанга бузларынг юсюнгде.

Сен жулдузлагъа жанаша,
Къалгъанла сенден алаша,
Кийиминг ариу жараша,
Къалай сейирсе, тамаша!

Чинг алгъа санга танг ата,
Чинг артда сенден кюн бата.
Сен кийиз бёркню агъарта,
Этегинг жашил къатапа.

Сенден сора къайсы тауду
Ариулукъ бла айтылгъан?
Башына байракъ тагъылгъан,
Белине гюрен тартылгъан?

Сенден сора къайсы тауду
Ариулукъ бла бай болгъан?
Башы къыш болуп, бели жаз болуп,
Этеклеринде жай болгъан?

Юсюнгде барды акъ тонунг,
Сен къыш да, жай да киесе.
Кюн бузулургъа тебиресе,
Боран этерге сюесе.

Кюн ариу, чууакъ турса да
Тохтамайды боранынг.
Къыш да, жай да эримейле
Юсюнгдеги бузларынг.

Къыш айланы къылычыса,
Жай айланы салкъыны.
Жумушакълыкъ этмесенг
Инжитириксе халкъынгы.

Кесин бегитмей чыкъгъаннга
Башхасы болмай бир жауса.
Сау дунияны башында
Эм белгили бир тауса.

Тёгерегингде тогъай отлайла
Алтын мюйюзлю кийикле.
Сени башынга чыгъалла
Бёгекле бла жигитле.

Москвадан курса байла
Келип сейирге къарайла.
Къайнап чыкъгъан гара сууларынг
Таулу къоллагъа жарайла.