Отарланы Омар - Туудуланы жыр ( Омар Отаров ) | Текст песни

• Тексты песен
• Отарланы Омар
• Туудуланы жыр ( Омар Отаров )

Кюз къойчула да ма Жёде аузуна кирдиле,
Ит душманла тасхабызны къайдан билдиле?

Кюз къойчула да улакъ кесдиле ашаргъа,
Улакъ этле ма къазанлада асылып.

Кечелени да ма бир заманы болгъанда,
Душманла жетдиле, къара туманлай, басылып.

Ол итлерибиз а, чырпыгъа къарап, юрдюле,
Туудуланы уа ма къойчу къошну сюрдюле.

Къойла къопдула да ол ыстауатдан мау-шаудан,
Къуугъун ийгенбиз Сарыбашланы тири Къаншаудан.

Къаншау барады, ол эки этеги жел эте,
Артха айлана да, кеси кесине кёл эте.

Къаншау кетди ит душманладан ычхынып,
Шинжили тарында Къаншауну къууалла, къычырып.

Къаншау чабып, ташлы ыстауатха жетгенед,
Кешене тарындан секирип, тёбен Урдозгъа ётгенед.

Огъары Байгорундан къуугъун ушкок атылды,
Минарадан а къуугъун салах тартылды.

Малкъарукъланы уа ачылмаучу къабакъ ачылды,
Гара аузунда да ма толу къошла чачылды.

Ой, баш къусханды ма сабанлада мандалакъ,
Ногъай чыкъгъан эди бу къуугъуннга алгъаракъ.

Адам ашайды да шейит Ногъайны эгери,
Жигит Мусос болгъанд батыр Ногъайны нёгери.

Ол эки батыр да ма чаба-жорта кетдиле,
Ала душманланы да тауну артында жетдиле.

Душманла бла да уа ачы къазауат этдиле,
Ой, баш къусханды ма сабанлада мандалакъ.

Жашла айталла да, Ногъай кюз биченде тёбент деп,
Къартла да ийнанмайла, Ногъай Тау Артында ёлгенд деп.

Хахай, къуугъун дегенде, ушкогун алып кетгенед,
Жигит Ногъай тауну артында ёлгенед.

Къан барады да ма буз кёпюрде талада,
Жиляй къалдыла шейитлени тапхан анала.


Отарланы Омар еще тексты