Отарланы Омар - Хаджиланы Алийни жыры ( Омар Отаров ) | Текст песни

• Тексты песен
• Отарланы Омар
• Хаджиланы Алийни жыры ( Омар Отаров )

Мени Алийим а биченнге барады,
Ой, атлы болуп, атланып.
Андан къайытыб'а келгенди Алий,
Ой, ат жанына уа къапланып.

Адамла алай а айталла, ой, ой:
- Алийге къаргъыш жетди, - деп.
Бир сабийчикле уа чабып а келдиле:
- Бир атлы суугъа кетди, - деп.

Ол суугъа кетген не тукъум атлы эд?
Жарыкъ тор аты бармы эди?
Ол суугъа кетген а заманда, ой, ой,
Сууну башы алай а къанмы эди?

Ол сабийчикле уа алай айталла:
- Биз тохтамайын келдик, - деп.
Излеген адамла уа алай айталла:
- Къуру жамычысын кёрдюк, - деп..

Тенг жашларындан а артха къалгъан эд
Ол, ушакъ эте, чырмала.
Мени Алийим а сууда барады,
Суу шорхалагъа а булгъана.

Мени Алийим а бир тюш айтхан эд:
- Бир къанатлыгъа миндим, - деп,
Ол къанатлыдан а мен бир тюк алып,
Ой, къара жерге уа кирдим, - деп.

Кече тюшюмде уа бир тюш кёрген эм -
Мени Алийим ёлед деп.
Мени жюрегим а бир бек къыйналад,
Кюз биченле уа келеди деп.

Башымы ала да, башымы ала,
Огъары элге кетер эм.
Кюз биченле уа келдиле деселе,
Мен Алийиме уа нетер эм?

Отарланы Омар еще тексты