Отарланы Омар - Шырдан бла Жёнгер ( Омар Отаров ) | Текст песни и Перевод на русский

• Тексты песен
• Отарланы Омар
• Шырдан бла Жёнгер ( Омар Отаров )

муз. и сл. народные

Ой, харам Жёнгер, дейди, ит Жёнгер,
Ахыратда къара тонгуз кют, Жёнгер, орайда.

Кюндюз болса, багушлада жатады,
Кече болса, бешкъарышла сатады, орайда.

Шырдан салып, Жёнгерге келгенди,
Шырдан алай айтып энди сёлешди, орайда.

- Жёнгер, кишилигинги мен билеме,
Кюндюз болса, багушлада жатаса, орайда

Кече болса, бешкъарышла сатаса,
Жанынга уа жарар ат а тапмайса, орайда.

Шырдан, аны сен а керти айтаса,
Жаныма жарагъан ат а тапмайма, орайда.

- Анга, Шырдан, биз не амал этейик?
- Анга, Жёнгер, этеригинг алайды, орайда.

Индиляда барды ариу бир акъ ат,
Кёкню баргъан ол акъ атны жетмейди, орайда.

Жерни баргъан аны бир да жетмейди,
Ол тогъуз къанжалбаш юйню ичиндед, орайда.

Тогъуз къара кирит аны аллында,
Тогъуз ушкокчу да аны жанында, орайда.

Тогъуз ит да акъ атны уа сакълайды,
Тогъуз адакъа да аны сакълайды, орайда.

Шырдан, айт сен энди, анга не амал?
Мен акъ атны къалай бла урлайым? орайда

- Анга этеригинг, Жёнгер, алайды:
Тауукълагъа сен а тары ала бар, орайда.

Сен тауукъ оруннга шош ычхынырса,
Сен тауукъланы тауушсуз къырырса, орайда.

Тогъуз итге тогъуз тауукъ баш берсенг,
Къуйрукъларын булгъап, ала тохтарла, орайда.

Итле юрмей санга адам уянмаз,
Киритлеге, Шырдан не этейик? орайда.

Алагъа этеригинг, Жёнгер, алайды:
Ол сени эгечинг ариу Агунда, орайда,

Агунда уа Индиляда келинди,
Ачхычлары Агунданы къолунда, орайда.

Салып Агундагъа, Жёнгер, сен барсанг,
Баштёбен жатып, анда тохтасанг, орайда.

Анга кесинг айтырынгы билирсе.
Салып, Жёнгер Агундагъа баргъанды, орайда.

Баштёбен жатып, аллында тохтагъанд,
Агунда аны къатына келгенди, орайда.

Санга бюгюн, жаным, Жёнгер, не болду?
Сен былай мудах болуп нек тураса? орайда

Ачмыса сен, аурууунгу алайым?
Сууукъму болгъанса? Къорунг болайым, орайда.

- Ач тюйюлме неда сууукъ тюйюлме.
Кюндюз болса, багушлада жатама, орайда.

Кече болса, бешкъарышла сатама,
Багъаларын алып, санга келеме, орайда.

Жаныма жарагъан ат а тапмайма.
Индиляда барды ариу бир акъ ат, орайда.

Бауну ачхычлары сени къолунгда,
Аны менден жашырып а тураса, орайда.

Эгечим, мен аны ючюн мудахма.
Агунда уа сыйыт этип башлагъанд, орайда.

Къарындашым, аны санга ким айтды?
Аны ючюн, жаным, сени жоярла, орайда.

Ызынгдан мени жилята къоярла.
Алай Жёнгер ачхчычланы алгъанды, орайда.

Кечелени бир заманы болгъанда,
Акъ ат болгъан жерге Жёнгер ычхынды, орайда.

Акъ атны алтын гулласы аллында,
Кийиз къамичиси аны жанында, орайда.

Иери тагъылып турад быкъыгъа.
Акъ атха Жёнгер иер салгъанды, орайда.

Атха минип, ол жолуна чыкъгъанды,
Алайлай окъ, жетип, атдан жыкъгъанды, орайда.

Отарланы Омар еще тексты

Перевод Translate.vc