Отарланы Омар - Эски аскерчиле ( Омар Отаров ) | Текст песни и Перевод на русский

• Тексты песен
• Отарланы Омар
• Эски аскерчиле ( Омар Отаров )

Жангурла жауалла
Кёкде булутла къаралып.
Аскер чыкъгъанды да,
Уллу Къарачайдан сан алып.

Жашла баралла, дейди,
Темир машинагъа къаланып,
Анала къалалла уа, дейди,
Аланы ызларындан таралып.

Жашла баралла, дейди,
Чоюн машинагъа басынып,
Отоула къалдыла уа, дейди,
Ой, эшиклери тартылып.

Уллу Къарачайда, дейди,
Болур начальникле, сюдюле,
Жазыкъ а жашланы уа, дейди,
Былай мыртазакъла сюрдюле.

Ала баралла, дейди,
Ой, ышармайын, кюлмейин.
Алда уа харипле, дейди,
Ой, болур ишлерин билмейин.

Биз салып энди, дейди,
Уллу Славагъа баргъанбыз,
Ол анда кесибиз
Бир тишлик тууар алгъанбыз.

Ол тууар тюйюл, дейди, -
Болур экижашар ууанык,
Жашла къайтсынла уа, дейди,
Ой, къууанч этип, жубанып.

Къайиш этгенбиз биз
Тишлик тууарны терисин,
Сууда къоймагъыз, жашла
Жарлы Хаджалийни ёлюсюн.

Мындан баргъаненг
Сен, аскерлеге баш болуп,
Сууда къалгъан энг сен
Ой, чабакълагъа аш болуп.

Сени юсюнг бла
Орус жюзюучюле жюзелле,
Бут этлеринги уа, харип
Ыргъай чабакъла юзелле.

Хаджалий кетди, харип,
Къара тенгизге кёмюлдю.
Суугъа уа ташайгъынчы,
Жарыкъ дуниясына термилип.

Сотня аллында, харип
Сен ойнай-кюле чыкъгъан энг,
Эки этегинги да, жазыкъ
Бюйрек башындан къайырып.

Ой, машинаны, дейди,
Къабыргъалары къажалдан,
Айырылып а барабыз
Ичибизде бёлек мажалдан.

Ой, ат юсюнде уа
Сени теуан эшген къолларынг
Уллу Славада да
Шай стаканны тутмайды.

Бал таракъланы
Саулай жутуучу тамагъынг,
Уллу Славада да
Къуру шекер шайны жутмайды.

Ауруу а тапханма
мен машинаны ууундан.
Игисагъан ичеред
Уллу Къарачайны сууундан.

Къыргъый санларынгы
Желле, жангурла талайла,
Ёлген ёлюгюнге
Докторла келип къарайла.

Сени къабырынгда, харип,
Шаптал терекле бителле,
Сени кебининге,
Ой, зем-зем суула бюркелле.

Сен аскерликге, дейди,
Ой, элтген эдинг кёп кийим,
Къайтып а баралла да,
Артмакъдан чыкъмай, морт болуп.

Кийимлеринг къалдыла,
Артмакъдан чыкъмай, кирленмей
Кетиб'а бараса сен
Толу Къочхарлада юйленмей.

Акъгъан къанынгы уа
Калак маскеле жалайла,
Ариу къатынынгы
Къызтеке моллала марайла.

Ариу Дауумханнга, дединг,
Мени къагъытымы беригиз,
Жангыз сабийими
Кеси кёзюмден кёрюгюз.

Сюйген тенглерим тилеп
Дауумханым бармай къалмасын,
Сюймегенлериме барып,
Къабырымы эки жармасын.

Отарланы Омар еще тексты

Перевод Translate.vc