Оқыған:Марал Жұмагелді - Мен бүгін көңілсізбін... (Мақпал Төребек) | Текст песни

• Тексты песен
• Оқыған:Марал Жұмагелді
• Мен бүгін көңілсізбін... (Мақпал Төребек)

МЕН...

Мен бүгін көңілсізбін...
Қыз болған қандай қиын сезім болса,
Сарқылар, сабылып ой, төзім қанша.
Үндемей жүре берші... Солай етсең,
ұнатпай кетемін-ау өзіңді онша.

Мен бүгін мазасызбын...
Ықыласым аумайды өзім ұнағанға,
«Бақ бар!»-деп сабыр етем шыдағанға.
Білмегендей жүре берші... Солай етсең,
хәлімді де сұрама бірақ онда!

Мен бүгін назданбаймын...
Жақсы көру баз кешу деп тұспалдадым,
Асығып, қызығыппын құшқанға мұң.
Ұқпағандай жүре берші... Солай етсең,
Тілеші үмітімнен түк қалмауын!

Мен бүгін жымиямын...
Жымиям да түк ұқпай күрсінемін,
(Жанымда, Құдай жазып, жүрші менің).
Мен де енді үндемеймін мұнан кейін,
Йә, негізі осындай қырсық едім!

Мақпал ТӨРЕБЕК

Оқыған:Марал Жұмагелді еще тексты