Павал Булатнікаў i Лявон Вольскі (сл. і муз. Л.Вольскі) - Роля героя (праэкт "Такога няма нідзе") | Текст песни

• Тексты песен
• Павал Булатнікаў i Лявон Вольскі (сл. і муз. Л.Вольскі)
• Роля героя (праэкт "Такога няма нідзе")

Дзе рака зарастае травою,
Дзе гара размаўляе з гарой
Спачываюць старыя героі,
Не прачнецца ніводны герой.

Ён прыйшоу і наўкол пацяплела,
Ён узнік і растала імгла.
І за ім у сусьвет паляцела пагалоска
На крылах арла.

Роля героя - цяжкая роля,
Доля героя - быць на крыжы.
Слова як зброя, сьветлая мроя,
Трэба ісьці да апошняй мяжы.

Ён ішоў па паселiшчах цемных,
Ён ішоў па здзічэлай зямлі.
І паўсюль адчыняліся вокны,
І зьнянацку сады зацвiлі.

Роля героя - цяжкая роля,
Доля героя - быць на крыжы.
Слова як зброя, сьветлая мроя,
Трэба ісьці да апошняй мяжы.

Не спыніць нам жыцьцевыя хвалі,
Не зьмяніць нам адвечны статут.
Сумны лёс у героя ў фінале,
Чорных птушак чароды лятуць.

Дзе рака зарастае травою,
Дзе гара размаўляе з гарой
Сьпяць спакойна старыя героі,
Разам з імі сьпіць новы герой.

Роля героя - цяжкая роля,
Доля героя - быць на крыжы.
Слова як зброя, сьветлая мроя,
Трэба ісьці да апошняй мяжы.