Парисби Узденов - Гюлюсе джерими | Текст песни

• Тексты песен
• Парисби Узденов
• Гюлюсе джерими

Музыка Маджита Ногайлиева, стихи Азрета Акбаева.

Сукъланама къанатлыгъа,
Кёрлюкдю сени.
Джюрегими таралгъанын
Билдирсе мени.
Ашыгъама, ариучугъум,
Джазны кюнюне.
«Сюймеклик» деб, джазар ючюн
Кёкню джюзюне...

Джерни юсюн джасайдыла
Кёксюл будайла,
Ийнакълайла джолуму да
Къачхы чапракъла.
Биягъынлай чагъадыла
Чегет этекле.
Сени ашыгъыб сакълайла
Джашил терекле.

Сукъланама чырайынга,
Гюлюсе джерни,
Джашаууму нюр таягъы,
Кюнню эртдени.
Иги сагъын, келге эдинг
Мени элиме,
Джюрегими берир эдим
Джангыз кесинге...

Тауларымы кёгюрчюню,
Ариу гоккасы.
Сюймеклигим джюрегинге
Тюшюб, джашнасын.
Энди мени бир тангым да
Сенсиз атмасын.
Джашауумда энди сенсиз
Кюнюм батмасын...

Парисби Узденов еще тексты