Певческая Школа - АнтПасх.Утреня.СтихНаХвал, глас 1 | Текст песни

• Тексты песен
• Певческая Школа
• АнтПасх.Утреня.СтихНаХвал, глас 1

НЕДЕЛЯ АНТИПАСХИ СВЯТОГО АПОСТОЛА ФОМЫ

НА УТРЕНИ

4. На хвалитех стихиры, глас 1:

Хвалите Его на силах Его, // хвалите Его по множеству величествия Его.
По е́же из гро́ба Твое́м стра́шном, Жизнода́вче, воста́нии, / я́коже печа́тей не разруши́л еси́, Христе́, гро́бных, / та́ко заключе́нным две́рем вшел еси́ к пресла́вным апо́столом Твои́м, / радостотворя́ их, и Пра́вый Твой Дух подая́ им, // за безме́рную Твою́ ми́лость.

Хвалите Его во гласе трубнем, // хвалите Его во псалтири и гуслех.
Фома́ и́же и Близне́ц не бе прише́л, / егда́ Ты ученико́м яви́лся еси́, Го́споди. / Те́мже не ве́рова Твоему́ Воскресе́нию, / и ви́девшим Тя вопия́ше: / а́ще не вложу́ пе́рста в ре́бра Его́ и гвозде́й я́звы, // не ве́рую, я́ко воста́л есть.

Хвалите Его в кимвалех доброгласных, хвалите Его в кимвалех восклицания. // Всякое дыхание да хвалит Господа.
Якоже хо́щеши, осяжи́, / Христо́с Фоме́ вопия́ше: / вложи́ ру́ку, / и позна́й Мя ко́сти иму́ща и земно́е те́ло, / и не бу́ди неве́рен, / ра́вно же со ине́ми уве́рися. / Он же возопи́: Бог мой и Госпо́дь Ты еси́, // сла́ва воста́нию Твоему́.

Певческая Школа еще тексты