Што старыя за вар'яты:
Мелюць без прычыны,
Быццам час свой марна трацім
Мы каля дзяўчыны.
І ўсё пхнуць нас да работы,
Хоць таго ня знаюць,
Што да працы я ахвоты
Без дзяўчат ня маю!
Зь любай стрэнуся, бывае,
Прыгарну к сабе я,
Сэрца радасьцю палае,
Галава ясьнее.
Жыць тады, сябры, ахвота,
Хораша наўкола,
Мігам робіцца работа
З песьняю вясёлай!
Дык мяліце ж без прычыны
Вы, старыя людзі -
Вас паслухаем тады мы,
Як дзядамі будзем!
Статистика страницы на pesni.guru ▼
Просмотров сегодня: 1