Песнопения Великого Поста ( Поют сестры Самарского Иверского монастыря) - Совет Превечный... (стихиры на "Господи воззвах" на Вел. вечерне Благовещения Пресвятой Богородицы Д. Соловьёв)

Pesni.guru - сайт для Гуру

Совет превечный / открывая Тебе, Отроковице, / Гавриил предста, / Тебе лобзая и вещая: / радуйся, земле ненасеянная; / радуйся, купино неопалимая; / радуйся, глубино неудобозримая; / радуйся, мосте, к Небесем преводяй, / и лествице высокая, / юже Иаков виде; / радуйся, Божественная стамно манны; / радуйся, разрешение клятвы; / радуйся, Адамово воззвание: / с Тобою Господь.

Являешися Мне, яко человек, – / глаголет нетленная Отроковица ко Архистратигу, – / и како вещаеши глаголы паче человека? / Со Мною бо, рекл еси, Богу быти / и вселитися во утробу Мою. / И како буду, глаголи Ми, / вместилище пространное и место священия / Херувимы превосходящаго? / Да не прельстиши Мене лестию, / не бо познах сласти, / браку есмь непричастна, / како убо Отроча рожду?

Бог идеже хощет, / побеждается естества чин, – / глаголет безплотный, – / и яже паче человека содеваются, / моим веруй истинным глаголом, / Всесвятая Пренепорочная. / Она же возопи: / буди Мне ныне по глаголу твоему, / и рожду Безплотнаго, / плоть от Мене заимствовавшаго, / яко да возведет человека, / яко един силен, / в первое достояние срастворением.

Это песнопение посвящено событию возвещения Архангелом Гавриилом Деве Марии тайны воплощения от Нее Бога Слова. Совет Превечный открывая Тебе, Отроковице, Гавриил предста — воспевает святая Церковь в начале службы великого праздника Благовещения.

Как вам текст?

Статистика страницы на pesni.guru ▼

Просмотров сегодня: 1

Видео

Нет видео
-