Песняры (словы - М. Багдановіч, музыка - У. Мулявін) - Слуцкія ткачыхі | Текст песни

• Тексты песен
• Песняры (словы - М. Багдановіч, музыка - У. Мулявін)
• Слуцкія ткачыхі

Ад родных ніў, ад роднай хаты
У панскі двор дзеля красы
Яны, бяздольныя, узяты
Ткаць залатыя паясы.

І цягам доўгія часіны,
Дзявочыя забыўшы сны,
Свае шырокія тканіны
На лад пярсіцкі ткуць яны.

А за сьцяной сьмяецца поле,
Зіяе неба з-за вакна —
І думкі мкнуцца мімаволі
Туды, дзе расьцвіла вясна,

Дзе блішча збожжа ў яснай далі,
Сінеюць міла васількі,
Халодным срэбрам ззяюць хвалі
Між гор ліючайся ракі.

Цямнее край зубчаты бора...
І тчэ, забыўшыся, рука
Заміж пярсіцкага узора
Цьвяток Радзімы васілька.


Песняры (словы - М. Багдановіч, музыка - У. Мулявін) еще тексты