ПЕТУХОВ Геннадий - Track 371 - Кузе илет ялем | Текст песни

• Тексты песен
• ПЕТУХОВ Геннадий
• Track 371 - Кузе илет ялем

Кузе илет, ялем?

ОригиналТранслитерация
Шке пыжашыжым коден кайымеке,
Кайык угыч пӧртылын толеш.
Мыйын веле корно мӧҥгӧ веке
Товаҥалт лакеме ик вереш.

Кузе илет, ялем –
Ачам-авамын мланде?
Йомакысе илем
Тачат улат мылам тый, ялем.

Тыйым мый вурсен, карген шым кае,
Лийын отыл тый маска вынем.
Чучынам тунам мый сокыр гае
Да наҥгайыш тунемаш чонем.

Кузе илет, ялем –
Йоча жапемын райже?
Тӱня йыр кеч каем –
Ом му тылеч мый сайжым, ялем.

Кызыт мый илем кугу олаште,
Пиалемым мумыла чучеш.
Садак шуралтет шӱмем тураште
Да кончет пеш чӱчкыдын омеш.

Кузе илет, ялем –
Кӱсле кылла чымалтше?
Эн сото пиалем
Кӱдыратле ты тӱняште, ялем!

ПЕТУХОВ Геннадий еще тексты