Пс 41 - Быша слезы моя мне хлеб день и нощь | Текст песни

• Тексты песен
• Пс 41
• Быша слезы моя мне хлеб день и нощь

Имже образом желает елень
на источники водныя,
сице желает душа моя
к Тебе, Боже.

Возжада душа моя
к Богу Крепкому, Живому:
когда прииду и явлюся
лицу Божию?

Быша слезы моя
мне хлеб день и нощь,
внегда глаголатися мне на всяк день:
где есть Бог твой?

Сия помянух и излиях
на мя душу мою,
яко пройду в место селения дивна,
даже до дому Божия,

во гласе радования
и исповедания шума празднующаго.

Вскую прискорбна еси, душе моя?
И вскую смущаеши мя?
Уповай на Бога, яко исповемся Ему,
спасение лица моего, и Бог мой.

Реку Богу: Заступник мой еси,
почто мя забыл еси?
И вскую сетуя хожду,
внегда оскорбляет враг?

Внегда сокрушатися костем моим,
поношаху ми врази мои,
внегда глаголати им мне на всяк день:
где есть Бог твой?

Вскую прискорбна еси, душе моя?
И вскую смушаеши мя?
Уповай на Бога, яко исповемся Ему,
спасение лица моего, и Бог мой.