Псалтирь ко Пресвятой Богородице (http://azbyka.ru/otechnik/?Dmitrij_Rostovskij/psaltir-bozhiej-materi) - Окончание молитв | Текст песни

• Тексты песен
• Псалтирь ко Пресвятой Богородице (http://azbyka.ru/otechnik/?Dmitrij_Rostovskij/psaltir-bozhiej-materi)
• Окончание молитв

Молитва

Достойно славимая и праведно от всех горних чинов ублажаемая, яко без сравнения их превосходящая, Бога и Творца всяческих рождшая, паче всех возвеличенная, Ейже, яко Царице, предстоят лици Ангельстии, Гавриилову песнь возглашающе: радуйся, Благодатная! Наши же грешныя и бренныя уста кую достойную похвалу принести возмогут величию Твоему, точию да зовем Ти: о, пречудная Владычице, молися из Тебе воплощенному Христу Богу нашему, да призрит на ны, дюди безответныя, да сохранит нас невредимых от всех навет вражиих и злых клевет, много бо можеть Твоя матерняя молитва, по реченному: проси Мати Моя, не отвращуся, но вся прошения Твоя исполню. Радостию о сем исполняемии, взываем Ти: спаси, Владычице, погибающия рабы Твоя, просвети омраченныя суемудрствованиями века сего и приведи ны к Сладчайшему Іисусу, да, вечно радующеся, взываем: слава Отцу, слава Сыну, слава и Святому Духу, слава и Тебе. Преславней и Пренепорочней Деве Богоматери, ублажаемой и благословляемой в безконечные веки веков. Аминь.

Достойно есть, яко воистинну блажити Тя, Богородицу, присноблаженную и пренепорочную, и Матерь Бога нашего. Честнейшую Херувим и славнейшую без сравнения Серафим, без истления Бога-Слова рождшую, сущую Богородицу Тя величаем.
Под Твою милость прибегаем,
Богородице Дево, молений наших не презри в скорбех,
Но от бед избави нас,
Единочистая и благословенная.
Пресвятая Богородице, спаси нас.
Вси святии молите Бога о нас.
Утверждение на Тя надеющихся, утверди, Господи, церковь, юже стяжал еси честною Твоею кровию.

Псалтирь ко Пресвятой Богородице (http://azbyka.ru/otechnik/?Dmitrij_Rostovskij/psaltir-bozhiej-materi) еще тексты