Псалтирь - Псалом 31 (муз. Harry Gregson-Williams) | Текст песни

• Тексты песен
• Псалтирь
• Псалом 31 (муз. Harry Gregson-Williams)

Псалом 31
Псало́м Дави́ду, ра́зума

1 Блаже́ни, и́хже оста́вишася беззако́ния и и́хже прикры́шася греси́.
2 Блаже́н муж, eму́же не вмени́т Госпо́дь греха́, ниже́ есть во усте́х eго́ лесть.
3 Я́ко умолча́х, обетша́ша ко́сти моя́, от е́же зва́ти ми весь день.
4 Я́ко день и нощь отяготе́ на мне рука́ Твоя́, возврати́хся на страсть, егда́ унзе́ ми терн.
5 Беззако́ние мое́ позна́х и греха́ моего́ не покры́х, рех: испове́м на мя беззако́ние мое́ Го́сподеви, и Ты оста́вил еси́ нече́стие се́рдца моего́.
6 За то помо́лится к Тебе́ всяк преподо́бный во вре́мя благопотре́бно: оба́че в пото́пе вод мно́гих к нему́ не прибли́жатся.
7 Ты еси́ прибе́жище мое́ от ско́рби обдержа́щия мя: ра́досте моя́, изба́ви мя от обыше́дших мя.
8 Вразумлю́ тя и наста́влю тя на путь сей, во́ньже по́йдеши, утвержу́ на тя о́чи Мои́.
9 Не бу́дите я́ко конь и меск, и́мже несть ра́зума: брозда́ми и уздо́ю че́люсти их востя́гнеши, не приближа́ющихся к тебе́.
10 Мно́ги ра́ны гре́шному, упова́ющаго же на Го́спода ми́лость обы́дет.
11 Весели́теся о Го́споде, и ра́дуйтеся, пра́веднии, и хвали́теся, вси пра́вии се́рдцем.